الحياة سهلة

مخصص لذوى الاحتياجات الخاصه فى الوطن العربى
 
البوابةالرئيسيةالتسجيلس .و .جبحـثالأعضاءالمجموعاتدخول

شاطر | 
 

 جمعية رساله

اذهب الى الأسفل 
كاتب الموضوعرسالة
ahmedabdelaal
مدير المنتدى
مدير المنتدى
avatar

عدد الرسائل : 849
العمر : 36
Localisation : مصر
تاريخ التسجيل : 01/01/2007

مُساهمةموضوع: جمعية رساله   الأربعاء يناير 24, 2007 2:28 pm




احم احم

مين هنا ......................هوه مين جبني هنا
و مين دول ؟؟؟؟؟؟؟؟؟؟؟؟؟؟؟و بيعملوا ايه؟؟؟؟؟؟؟؟؟؟؟؟؟؟؟؟؟
و ايه كل الاعضاء دي ؟؟؟؟؟؟؟؟؟
ياه دول كمان ناس عندهم شغل و مذاكرة و بيعدوا يكتبوا مواضيع و يردوا؟؟؟؟؟؟؟!!!!!!!!!
هما فاضين ولا ايه؟؟؟؟؟؟؟؟؟
بس غريب تجمعهم ده؟؟؟؟؟؟؟؟؟
هما عرفوا بعض ازاي؟؟؟؟؟؟؟؟؟؟؟؟
ياه ده الواحد دخل المنتدي ده تاه ؟؟؟؟قال ايه منتدي انجزات اخش الاقي يا عم كلام غريب و ناس بتتفق علي حجات و مواعيد و يروحوا و يرجعوا بصور غريبه مع اطفال و صور و هما بيوزعوا ؟؟؟؟؟؟؟طب هما بيعملوا كده ليه؟؟؟؟؟؟؟؟هما بياخدوا فلوس؟؟؟؟؟؟؟؟؟ولا المنتدي الاسلامي في كميه معلومات عظيمه و لا منتدي اسمه رساله المحافظات غريب اوي ياه اللناس دي متجمعه من كل حته و بقوة ؟

يا تري ليه؟

ولا منتدي رغيف العيش قال بيقولك حمله لحل مشاكل زي رغيف العيش المدعم !!!! هوه في كده؟!
لا و كمان منتديات عن صم و بكم و ذوي احتياجات و تعليم و دروس مجانيه !!
ولا منتدي المساعدات !!!
ولا القصص؟؟؟اكيد قصص متالفه ياعم ؟؟هوه في كده دلؤقتي اكيد لا؟
ولا الشعر ولا منتدي تاريخي اسمه عبر العصور ؟ولا حاجه غريبه اوي اسمها الاخ الاكبر مش عارف ايه ده؟؟
و الغريب خش بقي علي منتدي الترحيب تحس انهم قرايب يا عم يباركوا لبعض بفرحه كان اخ و اخته ولا اب و ابنه او بنته؟؟؟
بيفرحوا لبعض اوي و يزعلوا لبعض في الشده؟
بيقفوا مع بعض واقفه ممكن متطلعش من صاحب عمر؟
حتي يا اخي التنميه البشريه مش عتئين حاجه ده يعني الموضوع لسه مش منتشر اوي و دول دايسين فيه ؟؟؟
و برامج و منتدي معلومات ؟؟؟

و مواضيع عامه و اجتماعيه و قهوة و مناقشات في كل حاجه و اراء مختلفه من كل مكان ؟

تجمع من ثقافات و دينات واعمار و ميول و تقاليد مختلفه ؟؟

و
الغريب ايه اللي مجمعهم ؟؟؟

اللي مجمعهم .............

اللي مجمعهم هوه حب في الله ملاهم و خلاهم حبوا الخير و حبوا بعض في الخير

اتجمعوا علي مساعده اخوهم المسلم اتجمعوا علي ادخال السرور علي اسرة مهمومه مريضه

اتجمعوا علي تنميه اتجمعوا علي احلام مش ليهم بس لغيرهم

بيفكروا في غيرهم ........

طيب الكلام ده يا عم لو بتقوله علي رساله

يعني مثلا رساله جمعيه خيريه

و بتعمل الاعمال دي كلها عن طريق الشباب دول و ربنا يكرمهم يا سيدي

انما بقي منتدي ايه و بتاع ايه ؟هوه الواحد فاضي ؟ياعم دول ناس فاضيه.

و اهو منتدي زي اي منتدي ؟ تجمع من الناس و شويه كلام و صورة غير حقيقيه و ناس بتكتب اراء و خلاص و في الحيقيه محدش بيعمل بكلام ده و ناس بتحط افكار و مشاريع و خطط كلام يعني كبير اوي و عايز جيوش تنفذه و اكيد مفيش حاجه بتحصل يعني مثلا عايز تقنعني ان الناس دي بتنفذ الكلام ده؟او بعد 50 سنه حتي ممكن ينفذوة؟؟


يا عم دول ناس فاضيه؟!؟!؟!؟!؟!

الكلام ده بنسمعه كتير؟؟؟؟
اه مقتنع بيه؟؟؟
طب بنسبه اد ايه اه و نسبه اد ايه لا؟؟؟

مممممممممممممممم
طيب عشان نجاوب محتاجين نفكر مع بعض شويه في شويه اسئله؟

هل انته بتفخر انك بتنتمي لرساله؟؟
اكيد
ده حتي ممكن تلاقي واحد يادوب كتب استمارة تطوع و مش بيروح و انه مجرد راح مرة و اعد مع الاطفال
و تيجي تساله فينك يا عم؟ يقولك مشغول فعلا و مش ملاحق يعني الشغل بقي و الجامعه و المذاكرة و رساله ؟
ياه رساله
اه جمعيه خيريه و دار ايتام
ياه ماشاء الله عليك
ربنا يكتر من امثالك و يعينك بس خلي بالك من صحتك بقي احسن كده الضغط عليك كبير!!!!!!!!!!
بيحصل
اكيد كل واحد عرف يعني ايه رساله بيفخر انه فيها و في البلد الفيها شباب بيروحوا رساله و البدين العرفهم معني لمساعده الفقير و كفاله الايتام و مراعه الصم و البكم و ذوي الاحتياجات و السوال علي المريض ........................
طيب انته مقتنع بالمنتدي
يعني ايه مش فاهم؟؟
ااقولك هل درجه اقتناعك بالمنتدي نفس درجه اقتناعك بفرع من فروع رساله؟؟
هل الاتنين نفس الاهميه؟؟؟؟؟
يعني لو جينا نختار واحد فيهم نستغني عنه ؟
حنختار ايه؟

طيب السوال ده يخدنا لإيه ...........................حلمنا
حلمنا!!!!!!!

اه حلمنا .....

ياتري بتتدخل المنتدي كام مرة ..........كتير..........قليل

طب امتى حسيت انك قعدت علي الكمبيوتر و دخلت علي المنتدي قعدت ساعتين و قمت واخد ثواب
؟؟؟؟؟؟؟؟؟

عمرك حسيتها ؟؟؟؟

انك قاعد تاخد ثواب الوقت اللي انت قاعد فيه علي الجهاز يتحول لحسنات

طب ازاي هيتحول

فاكرين الجهاز السحري بتاع الاعمال

اللي هوه عباره عن جهاز يدخل فيه العمل مهما كان صغير او كبير و يخرج من الناحيه التانيه ثواب كبير و كل جهاز و كفائته

فاكرين اسم الجهاز
جهاز
((النيه))

عارف انك ممكن تاخد ثواب الوقت اللي قاعد فيه علي المنتدي بمجرد انك تنوي انك حتدخل عشان تفيد اي انسان سواء عن طريق فكرة حتنفذها في الواقع او عن طريق معلومه حتنقلها او دعايه حتعملها
طب عايز تخلي وقتك علي النت كله ثواب
(ايه الطمع ده؟؟)
حاضر يا سيدي حقولك
كام واحد فينا بيدخل برقم

07777100
الرقم ده العائد بتاعه بيرجع لرساله

يعني بكده بتضمن علي الاقل بوابه حسنات مفتوحه كل ما تفتح النت
طيب
كده اتكلمنا عن الرقم الحندخل بيه و النيه .


طيب ايه احلامك للمنتدي؟؟؟؟؟؟
ايه الصورة اللي تتمني تشوفه فيها؟؟؟؟؟؟
امتى تفخر بوجودك في المنتدي بنفس درجه فخرك بوجودك في رساله؟؟؟

امته منقدرش نختار نستغني عن مين فرع من فروع رساله او منتدي رساله امته الاتنين يكونوا بنفس مستوي الاهميه؟؟؟؟


طب ما تيجي نخلي ده حلمنا

تعالوا نحط ده هدفنا و دورنا ناحيه المنتدي في
((2007))
دورنا
اه دورنا
احنا حنسال عن وقتنا و قضناه في ايه؟؟
احنا داخلين يا جماعه علي 2007
سنه جديده و فرصه جديده لبدايه جديده
ياتري فاتك اول يوم؟
طب لو فاتك حتكمل نوم ولا ناوي تقوم؟؟
من انهارده لازم كل واحد يعيد حساباته و يشوف هوه فين في كل بند في حياته
في دراستك
مع اهلك
في دينك
في شغلك
في رساله
في المنتدي (اه المنتدي محنا اتفقنا انه حيكون باذن الله مهم في حيتنا و مقتنعين بيه و انه يقدم ما يعادل فرع من فروع رساله بل بلعكس ده بيربط كل فروع رساله ده بيربط رساله بلانترنت
عارفين يعني ايه؟؟؟؟؟؟؟؟؟؟؟يعني ممكن يعمل كتييييير اوي اوي اوي
زمان كان نشر الدعوة صعب لانه كان عشان يوصل لناس في بلاد تانيه محتاج يظبط الجمل بتاعه و يطلع رحله كده في الشمس لمده شهرين تلاته و في الاخر يتوه و يموت و كل ده عشان يوصل معلومه لبلد تانيه
طب انته؟؟؟؟؟
ياه يعني مشوار لحد القوده الجانبي و احط الفيشه و استي خمس دقايق بحلهم الجهاز يفتح و النت يشتغل و اعد اعصر دماغي عشان افكر عايز انهي بلد و في اي مجال و انهي موقع و انهي شركه (مشكله فعلا) ))

اظن كفايه بقي !!!!!!!!اكيد حنتحاسب علي كل المكانيات الفي ادنا دي و مش بنستغلها
الرسول عليه الصلاة و السلام تعب اوي عشان الاسلام يوصلك و كان مع شغله ده بيصلي و بيصوم و بيشتغل في التجارة و بيسافر و بيطلع غزوات و بيقود جيش و عظيم مع اهله و في ايده الاسلام امانه بيحارب عشانها
كان بيربي اجيال و تحمل اذي كتير و استهانه من ناس كتير و عذاب و تريقه و تكذيب و صدمات (موت احب الناس ليه – غدر ااقرب الناس ليه – غربه – فقر –جوع – كبر سن- يتيم-مش متعلم- اهله كفار و محتاج اليصدقه-محدش مصدقه و بيقولوا ساحر او شاعر او مجنون)
هاه؟ انته ليسه مخنوق؟ ليسه حاسس ان الموضوع صعب؟ ليسه شايف ان كل البتحلم انك تعمله مجرد احلام و مينفعش تتحقق؟؟
كل نبي مشهور بمعجزة زي سيدنا براهيم و نجاته من النار سيدنا سليمان و ملكه سيدنا موسي و العصي التحولت لتعبان و انشقاق البحر و نجاته هوه و من امن معه و غرق فرعون معجزات كتير
طب ايه معجزة سيدنا محمد (اكيد في معجزات كتير لكن ليه مفيش معجزة مشهورة اوي لان معجزة سيدنا محمد القران الكريم الفيه كنوز الارض و ما فيها كنوز لحد دلوقتي العلم بيحاول يوصل و يوصل و في الاخر يكون القران قايلها من 1400 سنه فاتووبادق التفاصيل)
ليه الرسول 0ص9 كان بيمر بكل كرب او غزوة او فقر او اي مصيبه من مصائب الدنيا مع انه حبيب الله
هل ربنا مكنش قادر يرفع عنه كل ده ؟
لكن سبحان الله كل ده عشان نتعلم و نشوف اخلاقه ونعرف معني الصبر و التسامح و الطاعه لله و الدعاء عند الكرب
و نشوف انسان ناجح في كل شيء و منقلش ده كان عنده فلوس بلمعجزة او انه كسب الاعداء بلمعجزة او انه كان عنده اهل و انا يتيم
لا بلعكس هوه كان بيتعب و بخسر غزوات و يكسب و يخطط و يسعي في الرزق و يسعي عشان عبادتهو يربي اولاده و بيستغفر ربه

طيب احنا فين؟؟؟؟؟
ياه ده احنا حاسين اننا مطحونين و الدنيا مبهدلنا مع اننا مرفهين و في نعم كتيييييير
مش حاسين بيها
طيب ناوي علي ايه؟

وصلت لايه و عايز توصل لفين و حتوصله ازاي؟؟؟اتعلمت ايه من الفات؟؟

عايزين نبتدي بدايه جديده
كل حاجه في حياتنا لازم ناثر فيها و نستغلها عشان البيفوت و بيضيع مننا مش بيرجع تاني
طيب
مبدئيا محتاجين ورقه و قلم و نكتب اهتمامتنا كلها كبيرة او صغيرة
و نحدد احنا واقفين فيها فين ؟
و ايه خطتنا ل 2007؟
ايه هدفنا في 2007 في كل اهتمامت حيتنا من دراسه من اهل من دين من رساله من المنتدي من الشغل من البيت من ناحيه اصحابك و هدايتهم من ناحيه مهراتك طورتها ولا لاء
و كل حاجه فيهم
عديها علي الجهاز بتاعنا ( النيه) و متنساش مركته تكون بجودة عاليه يعني مش ااقل من انه واخد الايزو للاخلاص
و تصدر حسنات لغيرك باذن الله اما تاخد بايد غيرك عشان يبقي معاك
طيب
طيب ازاي نربط ده بالمنتدي
من هنا ممكن نحط اول نقطه في طريق حلمنا لـ 2007
(انا متطوع في رساله و عضو في منتداه )
و ده وصلنا للسؤال ازاي حنربط بين خطتنا ل2007 عشان نحقق اهدفنا في كل اهتمامتنا و االمنتدي و تطورة؟
يعني عشان ده يحصل محتاجين اننا لما نيجي نفكر نطور من نفسنا دينيا (اول حاجه تخطر في بالنا ندخل المنتدي الاسلامي)اكيد فيه موضوع حيرشدنا و حيرشد كل واحد بدرجتنا المختلفه الايمانيه

نفس الشيء المنتدي التعليمي اكيد اساسه الدروس التقويه عشان رساله و في كمان جزء حيساعدني اطور من مستوايا الدراسي

نفس الشئ منتدي التنميه البشريه حيساعدني اني انمي نفسي و حياتي و تعاملاتي و يخليني استفيد من قدراتي و اتغلب علي عيوبي و ازود الثقه في نفسي

منتدي الانجازات حيحمسني اني اشغل اكتر في رساله و اخد ثواب

منتدي التعارف حيخليني اجذب متطوعين حيفدوني بخبرتهم و كمان حقدر عن طريقه اتواصل مع اللي حوالييا في اطار محترم و كله حب في الله لما هحتاج اخوات مفيش بيني و بينهم اي مصالح مفيش بيننا غير حب في الله حلاقيهم

اما هاحتاج كورسات او دورات كمبيوتر او معلومات هلاقي في منتديات المعلومات و البرامج و الانشطه المختلفه

(اقترح وجود منتدي للاعلانات يكون فيه اعلان عن كل جديد كورسات او دورات تدربيه او تنميه بشريه او ندوات او مسابقات)

و كمان يكون المنتدي العام ده وجهه ترشد اي زائر لخريطه المنتدي و يكون فيها رد لكل الاسئله الاخ الفوق سئلها في الاول زي ما شفنا في اول الموضوع)

و يكون في اشخاص و فئات معينه محتاجين نضمها لينا

يعني ايه؟؟؟

يعني مفكرين و ادباء و شخصيات عامه و ناس مثلا اسلموا جديد (يكون في فرع من اي منتدي سواء العام او القهوة و اقترح انها تكون القهوة ممكن نبتدي بمحاوله اننا نستضيف الشخصيات العامه و المهمة علي القهوة و ده عن طريق اتصالاتنا و المعارف نحاول نوصل لشخصيات عامه و طبعا ده بهدف انهم يدخلوا معانا و كمان اننا نعرفهم رساله)

و دكاترة في كل المجالات نفسيه و امراض جلديه و دكترة اطفال و صيادله
(و يكون برضه منتدي للاستشارات الطبيه و ممكن يكون فيه فروع زي موضوع الاسعافات الاوليه ال ان شاء الله حيبتدي الدورة بتاعته بعد العيد و احنا في انتظارة)
عايزين كل واحد فينا ياخد الثواب علي ثلاتث مراحل

المرحله الاولي: ندخل برقم 07777100
المرحله التانيه:تجديد النيه عن طريق الجهاز السحري بتعنا و نحط جزء اساسي من تجديد النيه اننا نجدد نيتنا في تحقيق الهدف(انا متطوع في رساله و عضو في منتداه) يعني المنتدي اهميته زي اي فرع بل اكتر لانه بمثابة نافذه تاطول برساله علي كل مكان في العالم)
المرحله التالته: انا دخلت المنتدي لمدة ساعتين = اخدت حسنات لمدهة ساعتين = دخولي كان منه استفاده او تاثير فيه افاده لغيري او مشاركه في مشوار تحقيق هدفنا (انا متطوع في رساله و عضو في منتداه)
يعني عايزين نتوج المجهود العظيم اللي في المنتدي عشان نوصل بيه للهدف
(انا متطوع في رساله و عضو في منتداه)
و اخيرا في النهايه اللي هي باذن الله تكون بدايه
معرض الافكار
معرض ايه؟؟؟
اه معرض الافكار
الكل طبعا دلوقتي في فترة امتحانات
و ده في صالحنا؟ازاي ؟ ااقولكم
اكيد عشان نمشي في هدفنا محتاجين نكون حطين خطه
متاكمله للعمل
و عشان ده يحصل محتاجين وقت نجمع فيه افكار.......افكار من كل منتدي
(افكار و قضايا زي كتير نفذنها زي اسبوع في حب مصر او اطفال الشوارع او صناعه مصريه و غيرهم من الافكار الممتازة المحتاجين ننشطها باستمرار و نضيف عليها و زيها ......)

و كل منتدي لازم تقدم خطط و افكار

حتي منتدي الشكاوي و الاقترحات

حتي منتدي الاعضاء و منتدي الترحيب و منتدي الانجازات(

ده مش تقليل منهم بالعكس ذكرتهم لان ممكن نغفل ان منتدي الاقترحات يكون ليه خطه او منتدي الانجازات كمثال و ده نظرا لعدم تخصصه في مجال محدد
)

كل منتدي محتاجين منه تصور و خطه و افكار و حنعرض الافكار كلها ان شاء الله خلال الفترة دي و باذن الله نعمل استفتاء و نطلع افضل الخطط و الافكار اللي تخص كل المنتدي يعني كل منتدي حناخد منه افضل خطه و افضل افكار عرضها و حنجمعهم ان شاء الله في خطه متكامله لمنتدانا
و دي ان شاء الله تكون اول خطوة نحو الهدف ( انا متطوع في رساله و عضو في منتداه)
ان شاء الله فترة المعرض حتي انتهاء الامتحانات و بعد كده نحدد موعد الاستفتاء و وضع الخطه النهائيه
مع اخر امتحانات يعني في حدود من 201 باذن الله نكون انتهينا من عرض الافكار و بدئنا في تجهيز الخطه عشان الشغل
........................................
مستنيه اقتراحتكم و افكاركم و ختطكم
و اتمنى لكم كل خير و توفيق في الامتحنات و في خططكم اللي هتعملوها للسنه الجايه ليكم و للمنتدي
و ربنا يجعلها سنه خير علينا و علي امة المسلمين و يعز امة الاسلام
اللهم امين
و كل سنه و انتم طيبين

احبكم في الله








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://easylife.lolbb.com
 
جمعية رساله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الحياة سهلة :: ¯`·.·••·.·°¯`·.·• مــنــــتـــــدي الــــــــــخــــــير •·.·°¯`·.·••·.·°¯ :: طلب مساعدات-
انتقل الى: